امیرتیمور
اس وقت ترکستان پر امیر تیمور کی حکومت تھی، ۷۷۱ ھ میں امیر تیمور تخت حکومت پر بیٹھا، اس کے بعد اس نے سمرقند کو اپنا دارالسلطنت بنایا، اس وقت امیر تیمور سمرقند میں موجود تھا۔ لوگوں نے امیر کو اطلاع دی کہ سمنان کا شہزادہ جس کا تعلق سامانیوں سے بھی ہے۔ یاغستان کے علاقے میں پھر رہا ہے۔ اب تک کئی ہزار ازبک و ترک اس کے مر ید ہو چکے ہیں۔ اندیشہ ہے کہ طاقت اور مقبولیت حاصل کر کے حکومت کے لیے خطرہ نہ بن جائے۔ امیر تیمور نے فوراً تفتیش کاحکم دیا تو معلوم ہواکہ غوث العالم سید اشرف جہانگیر ہیں، تو اسے اطمینان ہوگیا، وہ حضرت سے ”مشہد“ میں خودمل چکا تھا۔ اور اچھی طرح جانتا تھا کہ آپ کے اندر ہواوحوس کاشائبہ بھی نہیں ہے، اور اپنے ایک معتمد خاص کو بہت تحفہ وتحائف نذرانے کے ساتھ حضرت کی خدمت میں بھیجا۔ حضرت نے وہ ساری رقم مال وسامان اسی وقت فقراء میں تقسیم کردیا اور اس علاقے سے تشریف لے گئے۔ وہیں سے ایک”ازبک جمشید بیگ“ حضرت کے ساتھ چلے آئے، ان کو سلوک کی توفیق ہوئی اورخدمت سے جُدا نہ ہوئے اور عرصے تک آپ کی صحبت میں رہے، کچھ دنوں بعد حضرت نے انھیں اجازت و خلافت سے نوازا اور روح آبادسے رخصت فرمایا تاکہ اپنے ملک میں طالبوں کی تعلیم وہدایت کے فرائض انجام دیں۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972